საქართველო უწმინდესსა და უნეტარესს ილია მეორეს ემშვიდობება. ადამიანს, რომლის ცხოვრებაც რწმენისა და ეროვნული ერთობის სიმბოლოა.

კათოლიკოს-პატრიარქს განსაკუთრებული ემოციით დაემშვიდობა აფხაზეთის დევნილი საზოგადოება. ტკივილით, მაგრამ დიდი სიყვარულითა და მადლიერებით.

ილორის წმინდა გიორგის სახელობის ტაძარში გადახდილ მოსახსენებელ პანაშვიდზე შეიკრიბა საზოგადოება, რათა კიდევ ერთხელ მიეგო პატივი იმ სულიერი მემკვიდრეობისთვის, რომელიც კათოლიკოს-პატრიარქმა ილია მეორემ დატოვა.

საქართველოს კათოლიკოს-პატრიარქის, უწმინდესის და უნეტარესის მიერ განვლილი გზა დღესაც აერთიანებს ქვეყანას და ამყარებს რწმენას, რომ ეს ერთიანობა მომავალშიც გაგრძელდება.