აფხაზეთის ა/რ მთავრობის თავმჯდომარე ქუთაისში მდებარე აფხაზეთის №5 და №6 საჯარო სკოლები იმყოფებოდა, სადაც აფხაზეთის განათლებისა და კულტურის მინისტრთან ერთად მასწავლებლებსა და დირექტორებს შეხვდა.

შეხვედრაზე ყურადღება გამახვილდა სკოლებში არსებულ ძირითად გამოწვევებზე, მათ შორის სასწავლო პროცესის გაუმჯობესების შესაძლებლობებზე, ინფრასტრუქტურულ საჭიროებებსა და პედაგოგების პროფესიული განვითარების საკითხებზე. 

გიორგი ჯინჭარაძემ მინისტრთან ერთად სკოლების ინფრასტრუქტურა დაათვალიერა და პირველკლასელებს სიმბოლური საჩუქრები გადასცა.