ბათუმში, თამარის დასახლებაში თბილისის წამყვანი კლინიკების ექიმ-სპეციალისტების მონაწილეობით აფხაზეთიდან დევნილებისთვის უფასო სამედიცინო გამოკვლევების აქცია ჩატარდა.

სამედიცინო აქცია აფხაზეთის ჯანდაცვის სამინისტროს ორგანიზებით გაიმართა და მისი მიზანია დევნილი მოსახლეობის ჯანმრთელობის მდგომარეობის გაუმჯობესება, დაავადებების ადრეული დიაგნოსტიკის ხელშეწყობა და ჯანდაცვის მომსახურებებზე ხელმისაწვდომობის ზრდა.

გამოკვლევების მიმდინარეობას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთისა და აჭარის ჯანმრთელობისა და სოციალური დაცვის მინისტრებთან ერთად დაესწრო და ბენეფიციარებს გაესაუბრა.