ნოქალაქევში, უძველეს ისტორიულ გარემოში ფორუმი „შეეხე ისტორიას“ გაიმართა, რომელშიც აფხაზეთიდან დევნილი ახალგაზრდები მონაწილეობდნენ.

ღონისძიება კულტურული მემკვიდრეობის მნიშვნელობას, მის დაცვასა და ახალგაზრდების აქტიურ მონაწილეობას მიეძღვნა.

ფორუმში 80-მდე მოსწავლემ ლექციებთან ერთად იმიტაციური სავარჯიშოებიც გაიარა - როგორ დაიცვან არქეოლოგიური ძეგლები და მოძრავი კულტურული ობიექტები საგანგებო სიტუაციებში.

ღონისძიების ბოლოს მონაწილეები და ფოტოკონკურსის „ამბის გზავნილი“ გამარჯვებულები სერტიფიკატებითა და სიმბოლური საჩუქრებით დაჯილდოვდნენ.

ფორუმი აფხაზეთის ავტონომიური რესპუბლიკის განათლებისა და კულტურის სამინისტროს ინიციატივით ჩატარდა.