2025 წლის 11-12 ნოემბერს დაგეგმილი ჟენევის საერთაშორისო მოლაპარაკებების 65-ე რაუნდის ფარგლებში გაიმართა მოსამზადებელი შეხვედრა, რომელშიც მონაწილეობა მიიღო აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ.

შეხვედრაზე განსაკუთრებული ყურადღება გამახვილდა მოლაპარაკებების ფორმატის ეფექტიანობის უზრუნველყოფაზე. ხაზი გაესვა რუსეთის მიერ 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებების შესრულების აუცილებლობას, მათ შორის იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების საკითხში პროგრესის მიღწევას.

საქართველოს მხრიდან ყურადღება გამახვილდა ოკუპირებულ რეგიონებსა და საოკუპაციო ხაზის სიახლოვეს არსებულ მწვავე უსაფრთხოების, ჰუმანიტარული და ადამიანის უფლებათა კუთხით არსებული ვითარების საკითხს. საოკუპაციო რეჟიმის მხრიდან აფხაზეთის რეგიონში ნდობის აღდგენისაკენ მიმართული პროექტების შეზღუდვისა და დაბლოკვის მცდელობებზე.