აფხაზეთის ავტონომიური რესპუბლიკის მთავრობის მხარდაჭერით და ჯანმრთელობისა და სოციალური დაცვის სამინისტროს ორგანიზებით, ჩაფიძის გულის ცენტრში აფხაზეთიდან დევნილ ბენეფიციარებს უფასო სამედიცინო გამოკვლევები ჩაუტარდათ.

აქციის ფარგლებში განსაკუთრებული ყურადღება მიექცა ქრონიკული სისხლის მიმოქცევის დარღვევის მქონე პაციენტებს, რომლებმაც სრული კარდიოლოგიური მომსახურება მიიღეს.

გამოკვლევების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ბესიკ კუსიდი და  ჯანდაცვის სამინისტროს წარმომადგენლები დაესწრნენ.