აფხაზეთის ა/რ უმაღლესი საბჭოს, აფხაზეთის განათლებისა და კულტურის  სამინისტროს და ჟიული შარტავას საზოგადოების ერთობლივი ორგანიზებით, საქართველოს ეროვნული გმირის ჟიული შარტავას და მისი თანამებრძოლების დაღუპვიდან 32 წლისთავთან დაკავშირებით მონუმენტთან "საქართველოსთვის" ღონისძიება გაიმართა.

ღონისძიების მონაწილეებმა საზოგადოებას სიტყვით მიმართეს და გაიხსენეს ჟიული შარტავას და სხვა თანამებრძოლების თავდადება საქართველოს ერთიანობისთვის ბრძოლაში.

მემორიალურ ღონისძიებას ესწრებოდნენ აფხაზეთის ა/რ უმაღლესი საბჭოსს, აფხაზეთის ა/რ მთავრობის და დაღუპულთა ოჯახის წევრები, საზოგადოების წარმომადგენლები.

1993 წლის 27 სექტემბერს  აფხაზეთის ა/რ მინისტრთა საბჭოს და თავდაცვის საბჭოს თავმჯდომარე ჟიული შარტავა  აფხაზეთის მინისტრთა საბჭოს  თანამშრომლებთან და დაცვის წევრებთან ერთად ტყვედ აიყვანეს, აწამეს და დახვრიტეს.