„სოხუმის ფეხბურთელი მერი“ — ასე ჰქვია დოკუმენტურ ფილმს, რომელიც კინოთეატრ „ამირანში“ მაყურებელს წარედგინა.

ფილმი ეძღვნება ეროვნულ გმირს, გურამ გაბესკირიას — სოხუმის მერს, რომელიც სეპარატისტებმა 1993 წელს დახვრიტეს.

რეჟისორ ენემეო სიდიანის  მოკლემეტრაჟიან ფილმში გამოყენებულია   გაბესკირიას  მეგობრების და ოჯახის წევრების მოგონებები, ფოტო და ვიდეომასალა საოჯახო არქივიდან.

ფილმი წარდგენილი იყო ბათუმის პირველ საერთაშორისო სპორტული ფილმების ფესტივალ “ნიკე“-ზე, სადაც ჟიურისგან სპეციალური დიპლომი დაიმსახურა. ხოლო სცენარი, რომლის ავტორი მწერალი ნანა ქარდავაა, კრეატიულად და ემოციურად გადმოცემული სცენარისთვის დაჯილდოვდა.