თანამედროვე საქართველოს ისტორიაში ერთ-ერთი უმძიმესი თარიღი – 27 სექტემბერი სოხუმის დაცემის დღეა.

სამხედრო დაპირისპირება 1992 წლის 14 აგვისტოს დაიწყო.

კონფლიქტი ქართულ სამთავრობო ჯარებსა და სეპარატისტებს შორის 13 თვესა და 13 დღეს გაგრძელდა და 1993 წლის 27 სექტემბერს, სოხუმის დაცემით დასრულდა.

დაუზუსტებელი მონაცემებით, დაიღუპა 10 000-ზე მეტი ქართველი ჯარისკაცი და მშვიდობიანი მოქალაქე. აფხაზეთიდან დევნილი 250 000-ზე მეტი ადამიანი კი უსახლკაროდ დარჩა.