ქორეოგრაფიული პერფორმანსი სახელწოდებით „გზა“, სოხუმის დაცემის დღესა და ყველა იმ ადამიანს მიეძღვნა, ვინც 1993 წელს საკუთარი სახლი იძულებით დატოვა. პრემიერა სოხუმის თეატრის სცენაზე შედგა.

ჭუბერის უღელტეხილის 250 კილომეტრიანი ურთულესი მარშრუტი, იგივე „გოლგოთის გზა“ და მსახიობ ჯაბა ჯანაშიას ინტერვიუ ამ მარშრუტზე, გახდა რეჟისორ კოტე ლიპარტელიანისთვის ინსპირაცია, რომელიც შემდგომ „ITI Georgia“-სა და სოხუმის თეატრთან ერთად განახორციელა.

პრემიერას აფხაზეთის ა/რ მთავრობის თავმჯდომარე და მინისტრთა კაბინეტის წევრები ესწრებოდნენ.