ბაკურიანში აფხაზეთიდან დევნილი განსაკუთრებული საჭიროების მქონე მოზარდებისა და მათი მშობლებისთვის პროექტი „აფხაზეთიდან დევნილი შშმ მოზარდების ინტეგრაციისა და სოციალიზაციის ხელშეწყობა“ განხორციელდა.

პროექტის ფარგლებში მონაწილეები სახელოვნებო, სპორტულ და თერაპიულ აქტივობებში ჩართვნენ. ასევე მიიღეს ინფორმაცია, ფსიქოლოგიური ტრავმების, კრიზისული მდგომარეობებისა და ფსიქოსოციალური გამოწვევების დაძლევის შესახებ.

დახურვის ღონისძიებაზე აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციისა და აფხაზეთის ჯანმრთელობისა და სოციალური დაცვის მინისტრებთან ერთად იმყოფებოდა.

შეხვედრაზე აღინიშნა, რომ აფხაზეთის მთავრობა მსგავსი ინიციატივების მხარდაჭერას მომავალშიც აქტიურად გააგრძელებს.

ხუთდღიანი პროექტი აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით განხორციელდა.