თბილისში გაიმართა კონფერენცია, რომელიც „ქართულ-აფხაზური კონფლიქტების ტრანსფორმაციაში“ ლიტერატურული ურთიერთობების მნიშვნელობას მიეძღვნა.

ღონისძიებაზე განსაკუთრებული ყურადღება გამახვილდა ქართულ-აფხაზურ საზოგადოებებს შორის დიალოგის გაძლიერებაზე და იმაზე, თუ როგორ შეიძლება ლიტერატურამ ხელი შეუწყოს ურთიერთგაგებასა და ნდობის აღდგენას.

კონფერენცია აფხაზეთის ავტონომიური რესპუბლიკის უმაღლეს საბჭოსთან, სოხუმის სახელმწიფო უნივერსიტეტთან, აფხაზეთის მეცნიერებათა ეროვნულ აკადემიასთან და შოთა რუსთაველის სახელობის ქართული ლიტერატურის ინსტიტუტთან ერთად განხორციელდა.