აფხაზეთის ა/რ მთავრობის თავმჯდომარე გიორგი ჯინჭარაძე სენაკში, წმინდა ნინოსა და სანაიას ქუჩებზე მდებარე დევნილთა კომპაქტურ ჩასახლებაში მცხოვრებ ოჯახებს შეხვდა.

შეხვედრას ასევე ესწრებოდა სენაკის მერობის კანდიდატი ვახტანგ გადელია. მათ დეტალურად მოისმინეს დევნილი მოსახლეობის პრობლემები და საჭიროებები.

გიორგი ჯინჭარაძემ და ვახტანგ გადელიამ დევნილებთან ისაუბრეს იმ სახელმწიფო პროგრამებსა და პროექტებზე, რომლებიც აფხაზეთის მთავრობისა და ცენტრალური ხელისუფლების ერთობლივი ძალისხმევით ხორციელდება.

ამასთან, უკვე დაწყებულია კონკრეტული ინფრასტრუქტურული პროექტების განხორციელება, რამდენიმე კომპაქტურ ჩასახლებაში, რომლებიც უახლოეს მომავალში დასრულდება.

მსგავსი შეხვედრების მიზანია დევნილი მოსახლეობის პრობლემების ადგილზე შესწავლა და მათი ეტაპობრივად გადაჭრის გზების დასახვა.