აფხაზეთიდან დევნილ 720 ოჯახს ქუთაისში, ნიკეას ქუჩაზე, ახალაშენებულ საცხოვრებელ კომპლექსში  სრულად გარემონტებული, ახალი ბინები გადაეცა.

დევნილ ოჯახებს ბინები საქართველოს პრემიერ მინისტრმა ირაკლი კობახიძემ და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ გადასცეს. 

ბინების გადაცემის ცერემონიალს აფხაზეთის ა/რ მთავრობის თავმჯდომარე გიორგი ჯინჭარაძე, ასევე აფხაზეთისა და საქართველოს მთავრობის წარმომადგენლები ესწრებოდნენ.