2025-26 სასწავლო წლის დაწყების დღეს აფხაზეთის მთავრობის წევრებმა თბილისსა და რეგიონებში მდებარე აფხაზეთის საჯარო სკოლები მოინახულეს.

აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი, ალიონა ჩხოტუა, ჯუმბერ ბეთაშვილის სახელობის აფხაზეთის №2 საჯარო სკოლაში იმყოფებოდა. მინისტრმა მოსწავლეებს წარმატებული და ნაყოფიერი სასწავლო წელი უსურვა, ხოლო ვერცხლისა და ოქროს მედალოსნები საზეიმო ვითარებაში დააჯილდოვა.