აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე ოქროყანაში, კომპაქტურად ჩასახლებულ დროებით დევნილ მოსახლეობას შეხვდა, სადაც მთაწმინდის რაიონის მაჟორიტარ ზურაბ აბაშიძესთან ერთად მათ საჭიროებებს ადგილზე გაეცნო და პრობლემების მოგვარების გზები განიხილა.

შეხვედრის ბოლოს მინისტრმა აღნიშნა, რომ სამინისტროს მიზანია დევნილი მოსახლეობის საცხოვრებელი პირობების გაუმჯობესება და მათთვის შესაბამისი სოციალური და ეკონომიკური მხარდაჭერის უზრუნველყოფა, რაც ეტაპობრივად გაგრძელდება კონკრეტული ღონისძიებების დაგეგმვით და განხორციელებით.