აფხაზეთის საჯარო სკოლებში საგანმანათლებლო და ინფრასტრუქტურული მდგომარეობის გასაცნობად, აფხაზეთის ავტონომიური რესპუბლიკის განათლების და კულტურის მინისტრი ბექა ღვაჩლიანი სენაკში, თემურ ბოკუჩავას სახელობის აფხაზეთის N7 საჯარო სკოლაში იმყოფებოდა.

მინისტრმა შეხვედრა სკოლის დირექტორთან და პედაგოგებთან გამართა და პერსონალთან ერთად განიხილეს სკოლაში არსებული გამოწვევები.

აფხაზეთის განათლებისა და კულტურის სამინისტრო აქტიურად ეცნობა აფხაზეთის საჯარო სკოლებში არსებულ მდგომარეობას, რაც მიზნად ისახავს საჭიროებების იდენტიფიცირებას და პრობლემების დროულ გადაწყვეტას, რათა სკოლებმა სასწავლო პროცესი შეუფერხებლად წარმართონ.