იუსტიციის სახლში პროექტ ,,სამართლის კვირეული“-ს გახსნის ღონისძიება გაიმართა.

პროექტის ფარგლებში აფხაზეთიდან დევნილი სტუდენტები 5 დღის განმავლობაში ქ.თელავში გაივლიან ტრენინგებს. მიიღებენ ინფორმაციას აფხაზეთის ავტონომიური რესპუბლიკის მთავრობის უწყებებების მიერ შემოთავაზებული სამართლებრივი სერვისების შესახებ. აიმაღლებენ ცოდნას ისეთ საკითხებზე, როგორიც არის: მეტყველების ხელოვნება და პრეზენტაციული უნარები, საქართველოს კონსტიტუციით გარანტირებული ადამიანის ძირითადი უფლებები და თავისუფლებები, სისხლის სამართლის იმიტირებული პროცესის მომზადება.

მონაწილე ახალგაზრდებს საქართველოს იუსტიციის მინისტრის მოადგილემ და აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა მიმართეს, რომლებმაც ახალგაზრდებთან სამართლებრივ საკითხებსა და მიმდინარე სერვისების შესახებ ისაუბრეს.

ღონისძიების ბოლოს პროექტის მონაწილეებმა საქართველოს იუსტიციის სამინისტროს ქართული სამართლის ჰოლოგრამული მუზეუმი და მომსახურების სხვა სივრცეები დაათვალიერეს.