აფხაზეთის ა/რ მთავრობის თავმჯდომარე გიორგი ჯინჭარაძემ ქუთაისში დევნილთა ჩასახლებაში ავტომშენებლის ქუჩა №41-ში „რეაბილიტაციის პროექტი“-ის ფარგლებში მიმდინარე სამუშაოები დაათვალიერა და ჩასახლებაში მცხოვრებ დევნილ მოსახლეობას შეხვდა.

აღნიშნულ კომპაქტურ ჩასახლებაში სარემონტო სამუშაოები ადგილობრივი ხელისუფლების აქტიური ჩართულობით და აფხაზეთის ა/რ მთავრობის ხელშეწყობით განხორციელდა.

გიორგი ჯინჭარაძემ ადგილობრივ ხელისუფლებას მიზანზე ორიენტირებული პროექტის განხორციელებისთვის და დევნილი მოსახლეობის საცხოვრებელი პირობების გაუმჯობესებისთვის მადლობა გადაუხადა და აღნიშნა, რომ აფხაზეთის მთავრობა შეხვედრებს ეტაპობრივად ყველა ჩასახლებაში განახორციელებს.