აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ჯანმრთელობისა და სოციალური დაცვის მინისტრთან ერთად, დევნილთა პოლიკლინიკებში არსებული მდგომარეობის გაცნობის მიზნით, სამედიცინო ცენტრ "დიომედის" ხობისა და სენაკის ფილიალებს ესტუმრა.

მთავრობის თავმჯდომარემ აღნიშნული სამედიცინო დაწესებულებების ინფრასტრუქტურა დაათვალიერა, ასევე კლინიკების ხელმძღვანელებსა და მედპერსონალს შეხვდა.

„ჩვენი მთავრობისთვის პრინციპულად მნიშვნელოვანია, რომ აფხაზეთიდან დევნილებს ჰქონდეთ ისეთივე სრულყოფილი და ხარისხიანი სამედიცინო მომსახურების მიღების შესაძლებლობა, როგორც ყველა სხვა მოქალაქეს. სწორედ ამიტომ, აქტიურად ვმუშაობთ პოლიკლინიკების ინფრასტრუქტურის განახლებაზე, მედპერსონალის კვალიფიკაციის ამაღლებასა და თანამედროვე ტექნოლოგიების დანერგვაზე“, - განაცხადა გიორგი ჯინჭარაძემ.