14 აგვისტო საქართველოს უახლესი ისტორიის ერთ-ერთი ყველაზე მძიმე თარიღია. 33 წლის წინ, ამ დღეს აფხაზეთში საომარი მოქმედებები დაიწყო, რომელიც 13 თვის და 13 დღის განმავლობაში გაგრძელდა, რასაც მოჰყვა ათასობით მსხვერპლი,ასეულობით დაკარგული, დევნილად ქცეული 300 000-ზე მეტი ადამიანი და ეთნიკური წმენდა.

ამ თარიღთან დაკავშირებით აფხაზეთის ავტონომიური რესპუბლიკის მთავრობისა და უმაღლესი საბჭოს თავმჯდომარეებმა, მინისტრთა კაბინეტის წევრებმა, თავდაცვის სამინისტროს წარმომადგენლებმა და ვეტერანებმა ერთიანობისთვის ბრძოლაში დაღუპულ გმირთა მემორიალი გვირგვინით შეამკეს.