ოკუპირებული აფხაზეთის ე.წ პრეზიდენტმა ბადრა გუნბამ "უშიშროების საბჭოს" სხდომა ჩაატარა, რომელიც აფხაზეთის "სახელმწიფო საზღვრის" უშუალო სიახლოვეს, რუსეთის ფედერაციის ტერიტორიებზე უპილოტო საფრენი აპარატის მასობრივ თავდასხმას ეხებოდა.

აფხაზეთის ე.წ პრეზიდენტმა ბადრა გუნბამ დაავალა დეფაქტო თავდაცვის სამინისტროს და აფხაზეთის "სახელმწიფო უსაფრთხოების სამსახურს," გააძლიერონ თანამშრომლობა რუსეთის ფედერალური უსაფრთხოების სამსახურის აფხაზეთში განლაგებულ სასაზღვრო დეპარტამენტთან და რუსეთის ფედერაციის თავდაცვის სამინისტროს მე-7 სამხედრო ბაზასთან მსგავსი სიტუაციების თავიდან ასაცილებლად.

შეგახსენებთ, დაფიქსირდა რამდენიმე დრონის მიერ აფხაზეთის საჰაერო სივრცის დარღვევის ფაქტი.