აფხაზეთის ა/რ მთავრობის თავმჯდომარე გიორგი ჯინჭარაძე ზუგდიდში აფხაზეთიდან იძულებით გადაადგილებულ პირთა პოლიკლინიკას ეწვია და არსებულ ვითარებას პირადად გაეცნო.

მთავრობის თავმჯდომარემ სამეგრელო-ზემო სვანეთის რეგიონის რწმუნებულთან და ადგილობრივი ხელისუფლების წარმომადგენლებთან ერთად კლინიკის ინფრასტრუქტურა დაათვალიერა და სამედიცინო პერსონალისგან საჭიროებები მოისმინა.

შეხვედრის ფარგლებში გიორგი ჯინჭარაძემ ექიმებს ჯანმრთელობისა და სოციალური დაცვის ახალი მინისტრი გიორგი ჟღენტი წარუდგინა, რომელმაც დაგეგმილ სიახლეებსა და ჯანდაცვის მიმართულებით არსებულ ხედვებზე ისაუბრა.

მთავრობის თავმჯდომარემ სამედიცინო დაწესებულების პერსონალს მაღალი პროფესიონალიზმისა და თავდაუზოგავი შრომისთვის მადლობა გადაუხადა და აფხაზეთის მთავრობის სახელით სრული მხარდაჭერა აღუთქვა.