აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე თბილისში, კალოუბნის ქუჩაზე მდებარე აფხაზეთის სამედიცინო დაწესებულების პერსონალს შეხვდა.

მთავრობის თავმჯდომარე პირადად გაეცნო დაწესებულებაში არსებულ ვითარებას და კლინიკის პერსონალს გაესაუბრა.

ასევე, ექიმებს დევნილი ბენეფიციარების ჯანმრთელობაზე ზრუნვისთვის მადლობა გადაუხადა და აფხაზეთის მთავრობის მხრიდან პოლიკლინიკების მხარდაჭერასა და სამომავლოდ ჯანდაცვის მიმართულებით დაგეგმილ სიახლეებზე ისაუბრა.