აფხაზეთის ა/რ ფინანსთა და ეკონომიკის სამინისტროს თენგიზ ნასარიძე უხელმძღვანელებს. ახლად დანიშნული მინისტრი სამინისტროს თანამშრომლებს აფხაზეთის ა/რ მთავრობის თავმჯდომარემ გიორგი ჯინჭარაძემ წარუდგინა და სამომავლო გეგმებზე ისაუბრა.

თენგიზ ნასარიძე ქალაქ სოხუმში დაიბადა. განათლება მიღებული აქვს სამართალმცოდნეობის მიმართულებით. სწავლობდა ჯორჯ ვაშინგტონის უნივერსიტეტის ბიზნესის სკოლაში. მას საჯარო და კერძო სექტორში მუშაობის მრავალწლიანი გამოცდილება აქვს. სხვადასხვა დროს იკავებდა საქართველოს გარემოს დაცვისა და სოფლის მეურნეობის მინისტრის მოადგილისა და "საქართველოს მელიორაციის" გენერალური დირექტორის თანამდებობებს.

თენგიზ ნასარიძემ აღნიშნულ თანამდებობაზე ლაშა დოლბაძე შეცვალა.