აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, სამცხე-ჯავახეთისა და საქართველოს ტექნიკური უნივერსიტეტის სტუდენტებს, ეროვნულ გალერეაში, ალექსანდრე შერვაშიძის ნამუშევრების გამოფენაზე უმასპინძლა.

სამცხე-ჯავახეთის სახელმწიფო უნივერსიტეტთან არსებული აფხაზური ცენტრის „მესხი ახალგაზრდები ერთობისთვის“ და საქართველოს ტექნიკური უნივერსიტეტის „მშვიდობის ცენტრის“ სტუდენტები საგამოფენო სივრცეში წარმოდგენილ შერვაშიძეების საგვარეულოს სამი გამორჩეული წარმომადგენლის ცხოვრებას, შემოქმედებასა და უნიკალურ მემკვიდრეობას გაეცნენ.

ასევე სტუდენტებს სიტყვით მიმართეს გიორგი ვოლსკიმ და აფხაზეთის ა/რ განათლებისა და კულტურის მინისტრმა ბექა ღვაჩლიანმა. გამოფენას აფხაზეთის მთავრობის თავმჯდომარის მოადგილე ანზორ მარგიანი, იძულებით გადადგილებულ პირთა მინისტრი დავით ფაცაცია,სამცხე- ჯავახეთის სახელმწიფო უნივერსიტეტის რექტორი მაკა ბერიძე და სტუდენტები ესწრებოდნენ.