აფხაზეთის ავტონომიური რესპუბლიკის მთავრობას ახალი თავმჯდომარე ჰყავს.

გიორგი ჯინჭარაძეს აფხაზეთის ავტონომიური რესპუბლიკის უმაღლესმა საბჭომ ნდობა დღეს გამართულ სხდომაზე გამოუცხადა.

მთავრობის ახლად არჩეულმა მეთაურმა უმაღლესი საბჭოს დეპუტატებს სამოქმედო გეგმა წარუდგინა და გამოცხადებული ნდობისთვის მადლობა გადაუხადა.

გიორგი ჯინჭარაძე 1992 წელს აფხაზეთში ქალაქ გაგრაში დაიბადა. წლების განმავლობაში საჯარო სექტორში სხვადასხვა პოზიციებზე მუშაობდა.

აფხაზეთის ა/რ მთავრობის თავმჯდომარეობამდე იკავებდა საქართველოს განათლების, მეცნიერებისა და ახალგაზრდობის მინისტრის მოადგილის პოზიციას.

გიორგი ჯინჭარაძეს აფხაზეთის ა/რ მთავრობაში მუშაობის მრავალ წლიანი გამოცდილებაც აქვს. მას აფხაზეთის ფინანსთა და ეკონომიკის ასევე განათლებისა და კუტურის სამინისტროებში მინისტრის მოადგილის თანამდებობები ეკავა.

აღსანიშნავი ფაქტია, რომ გიორგი ჯინჭარაძის მამა - მიხეილ ჯინჭარაძე აფხაზეთის ა/რ უმაღლესი საბჭოს დეპუტატი გახლდათ, რომელიც აფხაზეთის კონფლიქტში გმირულად დაიღუპა და დაჯილდოვებულია ვახტანგ გორგასლის მეორე ხარისხის ორდენით.