აფხაზეთის ა/რ უმაღლესი საბჭოს პრეზიდიუმმა მთავრობის თავმჯდომარის პოსტზე გიორგი ჯინჭარაძის კანდიდატურა წარადგინა.

პრეზიდიუმის წევრებმა გიორგი ჯინჭარაძის აფხაზეთის ავტონომიური რესპუბლიკის მთავრობის თავმჯდომარის თანამდებობაზე დანიშვნის თანხმობის მისაღებადსაქართველოს მთავრობისთვის მიმართვის საკითხი განიხილეს.

განხილვის შემდეგ, დეპუტატებმა კენჭისყრით ერთხმად მხარი დაუჭირეს წარმოდგენილ მიმართვას.

კანდიდატურასთან დაკავშირებით მოლაპარაკებები საქართველოს ცენტრალურ მთავრობასთან უკვე დაწყებულია. გიორგი ჯანჭარაძე დაიბადა 1992 წლის 6 მაისს. ამ დრომდე საქართველოს განათლების, მეცნიერებისა და ახალგაზრდობის მინისტრის მოადგილის პოსტს იკავებდა.

2021 -2024 წლამდე აფხაზეთის ავტონომიური რესპუბლიკის ფინანსთა და ეკონომიკის მინისტრის მოადგილე იყო. ცნობისთვის, 2 ივნისს ლევან მგალობლიშვილმა აფხაზეთის ა/რ მთავრობის თავმჯდომარის პოსტი დატოვა და აღნიშნული სამთავრობო ცვლილებები სწორედ ამ ფაქტით იყო განპირობებული.