სამების საკათედრო ტაძრის ეზოში აფხაზეთობა 2025  საზეიმო ღონისძიებით  აღინიშნა. ღონისძიება წმინდა სვიმონ კანანელის სახელობის მშენებარე ბაზილიკის მიმდებარედ გაიმართა, სადაც აფხაზეთიდან დროებით დევნილი მხატვრების ნამუშევრების გამოფენა, ფოტოგამოფენა და კალიგრაფიის მასტერკლასი ჩატარდა.
ღია სივრცეში დამსწრე საზოგადოებას შესაძლებლობა ჰქონდა ენახა აფხაზეთის საინფორმაციო-ანალიტიკური ცენტრის მიერ მომზადებული ვიდეორგოლი აფხაზეთზე. საზეიმო ღონისძიება აფხაზეთის ა/რ მთავრობის და საქართველოს საპატრიარქოს ჩართულობით განხორციელდა.
აფხაზეთის შემოქმედებითი კოლექტივების გალა-კონცერტს აფხაზეთის ა/რ მთავრობის თავმჯდომარე ლევან მგალობლიშვილი, საქართველოს პარლამენტის თავმჯდომარის პირველი მოადგილე გიორგი ვოლსკი, აფხაზეთის ა/რ უმაღლესი საბჭოს თავმჯდომარე ჯემალ გამახარია, მთავრობის წევრები და საპატრიარქოს წარმომადგენლები ესწრებოდნენ.