უმაღლესი საბჭოს პლენარულ სხდომაზე ინტერპელაციის წესით აფხაზეთის ა/რ ჯანმრთელობისა და სოციალური დაცვის მინისტრს ლაშა ქარდავას მოუსმინეს.მინისტრმა პასუხი გასცა დეპუტატების მიერ წინასწარ წერილობით დასმულ შეკითხვებზე.
ლაშა ქარდავამ ასევე ისაუბრა სამინისტროს საქმიანობის პრიორიტეტულ მიმართულებებზე, ჯანდაცვის სფეროს გამოწვევებზე, დევნილთა და ოკუპირებულ ტერიტორიაზე მცხოვრებ პირთა ხარისხიან სამედიცინო სერვისებზე,  ფინანსურ და ტერიტორიულ ხელმისაწვდომობაზე, ასევე ამ მიმართულებით არსებულ სხვადასხვა პრობლემებზე.