აფხაზეთის ა/რ იუსტიციისა და სამოქალაქო ინტეგრაციის სამინისტროსა და ხელვაჩაურის რაონის სოფელ ფერიის საჯარო სკოლას შორის ურთიერთთანამშრომლობის მემორანდუმი გაფორმდა.
მემორანდუმს ხელი აფხაზეთის იუსტიციისა და სამოქალაქო ინტეგრაციის მინისტრმა გიორგი ძიგუამ და ფერიის სკოლის დირექტორმა ლეილა დუმბაძემ მოაწერეს.
მხარეებმა განიხილეს არაერთი ინიციატივა, მათ შორის: სამოქალაქო განათლების გაძლიერება, ახალგაზრდებისთვის თემატური ტრენინგებისა და შეხვედრების ორგანიზება, კულტურულ-ისტორიული პროექტების განხორციელება და ქართულ-აფხაზური ერთობის შესახებ ცნობიერების ამაღლება.