აფხაზეთიდან დროებით დევნილი მოზარდები ახალგაზრდულ ბანაკებში მიიღებენ მონაწილეობას, სადაც საგანგებო სიტუაციებისა და თავდაცვის საკითხების შესახებ შემეცნებით-პრაქტიკულ აქტივობებში ჩაერთვებიან.
ამ მიზნით, აფხაზეთის ავტონომიური რესპუბლიკის განათლებისა და კულტურის სამინისტროსა და მოხალისეთა ორგანიზაცია „ახალგაზრდობა და ვეტერანები ეროვნული თავდაცვისა და უსაფრთხოებისთვის“ შორის ურთიერთთანამშრომლობის მემორანდუმი გაფორმდა.
სამინისტროს მიერ დადგენილი კრიტერიუმების შესაბამისად, ახალგაზრდულ ბანაკში მონაწილეობას მაღალი აკადემიური მოსწრების მქონე დროებით დევნილი მოსწავლეები და ვეტერანთა შვილები მიიღებენ.