„გამარჯობა აფხაზეთო შენი“ -ასე ეწოდებოდა საღამოს, რომელიც დიმიტრი ჯაიანის სახელობის დარბაზში გაიმართა.

პროექტის მონაწილეები მაყურებლის წინაშე აფხაზეთისადმი მიძღვნილი სიმღერებით, ლექსებით, ცეკვებით, ჩანახატებითა და ემოციური მონოლოგებით წარსდგნენ.
როგორც ღონისძიების იდეის ავტორი და ორგანიზატორი სოხუმელი მწერალი, კომპოზიტორი ნინო მირცხულავა ამბობს, აღნიშნული პროექტის მიზანია აფხაზეთის საზოგადოების აქტიური ჩართულობა ნდობის აღდგენაში და მსგავსი ღონისძიებებით შერიგების პროცესებისადმი ხელშეწყობა.