აფხაზეთის საინფორმაციო-ანალიტიკური ცენტრის პროექტი „გაკვეთილი აფხაზეთი“ საქართველოს სხვადასხვა რეგიონში გრძელდება. ცენტრის სპიკერები ამჯერად ქალაქ ზუგდიდის მე-4 საჯარო სკოლას ესტუმრნენ.
გაკვეთილს მე-10-მე11 კლასის 80-მდე მოსწავლე დაესწრო. ზუგდიდელი მოზარდები ინტერესით გაეცნენ ცენტრის მიერ აფხაზეთზე მომზადებულ ვიდეომასალას,რომელიც ინფორმატიული და შემეცნებითი დატვირთვისაა.
პროექტი, რომელიც აფხაზეთის მთავრობის მხარდაჭერით ხორციელდება, წლის ბოლომდე გაგრძელდება. ჯამში საინფორმაციო-ანალიტიკურ ცენტრი საქართველოს მასშტაბით 100 სკოლის მონახულებას გეგმავს.