აკაკი ხორავას სახელობის მსახიობის სახლში ინტეგრირებული თეატრის "აზდაკის ბაღის“ 10 წლის იუბილესადმი მიძღვნილი საღამო გაიმართა.

"აზდაკის ბაღის" საიუბილეო საღამოზე თეატრის დაარსების ისტორია გაიხსენეს, მის მნიშვნელობაზე ისაუბრეს და ინტეგრირებული თეატრის სხვადასხვა სპექტაკლებიდან ეპიზოდები წარმოადგინეს.

ლევან მგალობლიშვილმა "აზდაკის ბაღისთვის“ სახელმწიფო თეატრის სტატუსის მინიჭების თაობაზე ისაუბრა და აღნიშნა, რომ აფხაზეთის მთავრობა, თეატრს, შემოქმედებითი საქმიანობის ხელშეწყობისთვის შესაბამის სივრცეს გამოუყოფს.