აფხაზეთის მთავრობის თავმჯდომარის ლევან მგალობლიშვილის დავალებით, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი გიორგი ძიგუა, აჭარაში მდებარე დროებით დევნილთა განსახლების ადგილებში მცხოვრებ დევნილებს შეხვდა.
შეხვედრის ფარგლებში, განიხილეს მოსახლეობის სოციალური და ინფრასტრუქტურული პრობლემები.
გიორგი ძიგუამ, აფხაზეთიდან დროებით დევნილ მოსახლეობას იუსტიციისა და სამოქალაქო ინტეგრაციის საკითხებში მინისტრის აპარატის 2025 წლის მიზნები და გეგმები გააცნო. პრობლემებზე კი დროულ რეაგირებას დაჰპირდა.