დღეს ჟენევის საერთაშორისო მოლაპარაკებების 63-ე რაუნდი  ოფიციალურად დაიწყო. ქართული დელეგაციის შემადგენლობაში აფხაზეთის ა/რ მთავრობის თავმჯდომარე ლევან მგალობლიშვილი იმყოფება.
ლევან მგალობლიშვილის განცხადებით, მოლაპარაკებების 63-ე რაუნდის ძირითადი თემები იქნება 2008 წლის 12 აგვისტოს ცეცხლის შეწყვეტის შეთანხმებით ნაკისრი საერთაშორისო ვალდებულებების შესრულება და იძულებით გადაადგილებულ პირთა უსაფრთხო და ღირსეული დაბრუნების საკითხები.
საუბარი ასევე შეეხება ჰუმანიტარული მნიშვნელობის საკითხებს, მათ შორის, თავისუფალი გადაადგილების უფლების შეზღუდვის, მშობლიურ ენაზე განათლების მიღების აკრძალვის და უკანონო დაკავებების ფაქტებს.