თბილისში არსებული აფხაზეთის საჯარო სკოლების მოსწავლეები ტექნოლოგიური STEM ლაბორატორიით ისარგებლებენ.
ლაბორატორია აფხაზეთის ა/რ განათლებისა და კულტურის მინისტრმა დავით მორგოშიამ, მასწავლებელთა პროფესიული განვითარების ცენტრის დირექტორ ბერიკა შუკაკიძესთან ერთად დაათვალიერა და STEM განათლების მნიშვნელობაზე ისაუბრა.
პროექტი აფხაზეთის მთავრობის მხარდაჭერით, აფხაზეთის ავტონომიური რესპუბლიკის განათლებისა და კულტურის სამინისტროსა და მასწავლებელთა პროფესიული განვითარების ცენტრის თანამშრომლობის ფარგლებში ხორციელდება.