აფხაზეთის ავტონომიური რესპუბლიკის ფინანსთა და ეკონომიკის მინისტრი ლაშა დოლბაძე, რუსთავში, მე-11 მიკრორაიონში მცხოვრებ აფხაზეთიდან დროებით დევნილ მოქალაქეებს შეხვდა.
მინისტრმა მოსახლეობას სამინისტროს 2025 წლის პროგრამები გააცნო, რომელიც მათი ეკონომიკური და სოციალური მდგომარეობის გაუმჯობესების მიზნით ხორციელდება.
აფხაზეთის მთავრობის თავმჯდომარის, ლევან მგალობლიშვილის დავალებით, აფხაზეთიდან დროებით იძულებით გადაადგილებულ პირებთან შეხვედრები აქტიურად მიმდინარეობს და მისი მიზანი მოსახლეობისათვის არსებული პროგრამების გაცნობა და მათ საჭიროებებზე მორგებული პროექტებისა და ინიციატივების განხორციელებაა.