აფხაზეთის საინფორმაციო-ანალიტიკური ცენტრი
აფხაზეთის საინფორმაციო-ანალიტიკური ცენტრი
სიახლეები
10 აპრილი, 2023
ცოდნაზე დაფუძნებული ახალგაზრდული ხედვა საქართველოს ტერიტორიული მთლიანობის აღდგენის საკითხებში
აფხაზეთიდან იძულებით გადაადგილებულ პირთა-დევნილთა მომსახურების სააგენტოს ორგანიზებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და ქართველთა და აფხაზთა ერთობის საზოგადოებასთან „ერთობა ხვალისთვის“ თანამშრომლობით, ქალაქ თელავში, ჩატარდა 3-დღიანი ტრენინგი „ცოდნაზე დაფუძნებული ახალგაზრდული ხედვა საქართველოს ტერიტორიული მთლიანობის აღდგენის საკითხებში“.
პროექტში მონაწილეობა მიიღო 20-მდე დაინტერესებულმა ბენეფიციარმა, მათ შორის, აფხაზეთიდან იძულებით გადაადგილებულმა ახალგაზრდებმა და სამცხე-ჯავახეთის სახელმწიფო უნივერსიტეტის სტუდენტებმა.
პროექტის მიზანს წარმოადგენდა პოზიტიური ურთიერთობების გაღრმავების საფუძვლის შექმნა საქართველოს ოკუპირებული ტერიტორიებიდან იძულებით გადაადგილებული ახალგაზრდებისთვის და მათი ჩართულობის ხელშეწყობა მშვიდობის მშენებლობის პროცესებში; ბენეფიციართა ინფორმირებულობის გაზრდა ქართულ-აფხაზური ურთიერთობების შესახებ, მათი დამეგობრება და მომავალში ერთობლივ პროექტებში მონაწილეობისთვის მოტივაციის ამაღლება.
დავით ფაცაციამ და ქართველთა და აფხაზთა ერთობის საზოგადოება “ერთობა ხვალისთვის” თავმჯდომარე გიორგი შერვაშიძემ პროექტის მონაწილეებს სერტიფიკატები გადასცეს.
მსგავსი სიახლეები
22 ნოემბერი, 2026
გლოვის დღესთან დაკავშირებით, აფხაზეთის ა.რ მთავრობის შენობაზე, სახელმწიფო დროშა დაეშვა
20 ნოემბერი, 2026
„ღრმა მწუხარებას გამოვთქვამ ქვემო ფონიჭალაში დატრიალებული ტრაგედიის გამო“ - გიორგი ჯინჭარაძე