ჯემალ გამახარიამ 2024 წელს გაწეული საქმიანობის, სამომავლო გეგმებისა და ამოცანების შესახებ ისაუბრა. უმაღლესი საბჭოს თავმჯდომარის თქმით, გასული წლის განმავლობაში უმაღლეს საბჭოში განსაკუთრებული ყურადღება კანონშემოქმედებით საქმიანობას ეთმობოდა.

ჯემალ გამახარიას განმარტებით, განვლილი 2024 წლის განმავლობაში უმაღლესი საბჭო თავისი კომპეტენციის ფარგლებში დაკავებული იყო უმნიშვნელოვანესი სამართლებრივი და პოლიტიკური საკითხებით, რომლებიც მიმართულია შერიგების პოლიტიკის გააქტიურებისკენ, აფხაზეთის დეოკუპაციისა და კონფლიქტის მშვიდობიანი გზით მოგვარებისკენ.