აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია ქ. ქუთაისსა და ქ. თბილისში განსახლებულ აფხაზეთიდან დევნილ ოჯახებს ეწვია, დამდეგი შობა-ახალი წელი მიულოცა და საახალწლო ნობათები გადასცა.
სადღესასწაულო საჩუქრები გადაეცა ომში დაღუპულთა ოჯახებს, საქართველოს ტერიტორიული მთლიანობის დაცვისა და მეორე მსოფლიო ომის ვეტერანებს, 90 წელს გადაცილებულ და სოციალურად დაუცველ პირებს, მრავალშვილიან ოჯახებს.
საახალწლო ნობათები მთელი საქართველოს მასშტაბით 1500-მდე აფხაზეთიდან დევნილს დაურიგდება. პროექტს აფხაზეთის მთავრობა თბილისის მერიასთან თანამშრომლობით ახორციელებს.