გამოფენა მოეწყო იმ აფხაზი მხატვრებისადმი სოლიდარობის ნიშნად, რომელთა ნამუშევრები რამდენიმე თვის წინ სოხუმის ცენტრალურ საგამოფენო სივრცეში გაჩენილი ხანძრის შედეგად განადგურდა.
 საგამოფენო დარბაზში წარმოდგენილი ტილოები აფხაზეთელი მხატვრების 1970-1980-იანი წლების საკურსო და სადიპლომო ნამუშევრებია, რომლებიც აკადემიის მუზეუმის ფონდში ინახებოდა. თითოეული მათგანი აკადემიის კურსდამთავრებულია.
 დამსწრე საზოგადოებას სიტყვით მიმართეს აფხაზეთის განათლებისა და კულტურის მინისტრმა დავით მორგოშიამ, სამხატვრო აკადემიის რექტორმა ყარამან ქუთათელაძემ, საქართველოს მხატვართა კავშირის თავმჯდომარემ გურამ ცერცვაძემ, აფხაზეთის ა/რ უმაღლესი საბჭოს დეპუტატმა ნუგზარ მგალობლიშვილმა.