“ფინანსურმა სანქციამ, რაც რუსეთმა აფხაზებს დაუწესა, აფხაზური მხარე აიძულა, „ეკონომიკურ საკითხებზე სასამართლო და საარბიტრაჟო გადაწყვეტილებების აღიარებისა და აღსრულების შესახებ“ ე.წ. შეთანხმების რატიფიკაცია მოეხდინა” – ამის შესახებ აფხაზეთის ა/რ უმაღლესი საბჭოს თავმჯდომარემ, ჯემალ გამახარიამ მედიაჰოლდინგ “კვირას” პრესკლუბში გამართულ პრესკონფერენციაზე განაცხადა. 

    კონკრეტულად კი საუბარი შეეხებოდა  ე.წ შეთანხმების რატიფიცირებას, რომელიც გასულ კვირას  მოსკოვმა ოკუპირებულ აფხაზეთთან გააფორმა, ჯემალ გამახარიას განცხადებით, ეს საკითხი პირდაპირ კავშირშია ე.წ „აპარტამენტების თემასთან“. 

როგორც ჯემალ გამახარიამ განაცხადა აფხაზეთის უმაღლესი საბჭო ამ  ე.წ. შეთანხმებას ბათილად აცხადებს.

აფხაზეთის  ა/რ  უმაღლესი საბჭოს თავმჯდომარე რუსეთის საგარეო საქმეთა მინისტრის სერგეი ლავროვის მიერ გაკეთებულ ბოლოდროინდელ  განცხადებასაც გამოეხმაურა.