სიახლეები

17 სექტემბერი, 2024

აფხაზეთის ა/რ მთავრობის ახალი კაბინეტის სავარაუდო შემადგენლობა უკვე ცნობილია


აფხაზეთის ა/რ უმაღლეს საბჭოში პრეზიდიუმის სხდომა გაიმართა და ცალკეულ კომიტეტებში ამ წუთებში მინისტრობის კანდიდატებს უსმენენ. შეგახსენებთ, რომ აფხაზეთის მთავრობის ახალ თავმჯდომარედ უმაღლესი საბჭოს მიერ წარდგენილი კანდიდატი ლევან მგალობლიშვილი ცენტრალურმა ხელისუფლებამ მოიწონა და დღეს, დეპუტატები უკვე მის მიერ წარდგენილ მთავრობის ახალ გუნდს განიხილავენ . აღსანიშნავია, რომ მთავრობის თავმჯდომარის მოადგილედ კვლავ ანზორ მარგიანი რჩება. აფხაზეთის მთავრობის ახალ გუნდში ასევე ორი ყოფილი მინისტრი ფინანსთა და ეკონომიკის მინისტრი ლევან თევზაია და იძულებით გადაადგილებულ პირთა მინისტრი დავით ფაცაცია დარჩებიან.
 აფხაზეთის ა/რ ჯანმრთელობისა და სოცილური დაცვის მინისტრად წარდგენილია ლაშა ქარდავა, განათლებისა და კულტურის მინისტრის თანამდებობაზე დავით მორგოშია, ხოლო იუსტიციისა და სამოქალაქო ინტეგრაციის საკითხებში აფხაზეთის ა/რ მინისტრობის კანდიდატი გიორგი ძიგუაა.
ცნობისთვის, 4 სექტემბერს რუსლან აბაშიძემ აფხაზეთის ა/რ მთავრობის თავმჯდომარის პოსტი დატოვა და აღნიშნული სამთავრობო ცვლილებები სწორედ ამ ფაქტით იყო განპირობებული.



 უკან დაბრუნება

მსგავსი სიახლეები

Item 1

22 ნოემბერი, 2026

გლოვის დღესთან დაკავშირებით, აფხაზეთის ა.რ მთავრობის შენობაზე, სახელმწიფო დროშა დაეშვა

ვრცლად

Item 1

20 ნოემბერი, 2026

„ღრმა მწუხარებას გამოვთქვამ ქვემო ფონიჭალაში დატრიალებული ტრაგედიის გამო“ - გიორგი ჯინჭარაძე

ვრცლად

Item 1

20 ნოემბერი, 2026

22 ნოემბერი საქართველოში გლოვის დღედ გამოცხადდა

ვრცლად