უმაღლესი საბჭოს პლენარულ სხდომაზე ინტერპელაციის წესით აფხაზეთის ა/რ ჯანმრთელობისა და სოციალური დაცვის მინისტრს მოუსმინეს, რომელმაც პასუხი გასცა დეპუტატების მიერ წინასწარ წერილობით დასმულ შეკითხვებზე.

ლევან ჩაკვეტაძემ ასევე ისაუბრა სამინისტროს საქმიანობის პრიორიტეტულ მიმართულებებზე, ჯანდაცვის სფეროს გამოწვევებზე, დევნილთა და ოკუპირებულ ტერიტორიაზე მცხოვრებ პირთა ხარისხიან სამედიცინო სერვისებზე,  ფინანსურ და ტერიტორიულ ხელმისაწვდომობაზე, ასევე ამ მიმართულებით არსებულ სხვადასხვა პრობლემებზე.

მოსმენის მეორე ნაწილი კითხვა-პასუხის რეჟიმში წარიმართა.

ძირითადი შეკითხვები აფხაზეთის ა/რ ჯანმრთელობისა და სოციალური დაცვის სამინისტროსთვის დამატებით ფინანსური რესურსის მოძიებასთან დაკავშირებით დაისვა.

როგორც დეპუტატები აღნიშნავენ აუცილებელია ჯანდაცვის უწყების ფინანსების სწორი და რაციონალურ გამოყენება და ბენეფიციართა სოციალური მდგომარეობიდან გამომდინარე ამ უწყებისთვის ბიუჯეტის გაზრდა.   მხარეები თანხმდებიან, რომ   ყველა პროექტი უნდა იყოს  დევნილებისათვის ხელმისაწვდომი და  მათ საჭიროებებზე მორგებული.

https://youtu.be/lg4iW9nt8BY