აფხაზეთის ა/რ მთავრობას, საზოგადოებრივ მაუწყებელსა და აფხაზეთის საინფორმაციო-ანალიტიკურ ცენტრს შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს: აფხაზეთის მთავრობის თავმჯდომარემ რუსლან აბაშიძემ, საზოგადოებრივი მაუწყებლის გენერალურმა დირექტორმა თინათინ ბერძენიშვილმა და აფხაზეთის საინფორმაციო-ანალიტიკური ცენტრის დირექტორმა ეკატერინე წივწივაძემ. მემორანდუმში ჩაიწერა მხარეთა ვალდებულებები საარქივო მასალების ურთიერთწვდომის და გაცვლის შესახებ. რაც მხარეებს ავალდებულებს გადასცენ ერთმანეთს შესაბამისი ინფორმაციები. დოკუმენტზე ხელმოწერის ცერემონიალი აფხაზეთის დღეების კვირეულის ფარგლებში ჩატარდა.

 https://youtu.be/12xX6No4hbc