სიახლეები

28 თებერვალი, 2024

ინალ არძინბას განცხადებით, გაეროს სტრუქტურებთან ერთად, ე.წ. რესპუბლიკაში USAID-ის საქმიანობა მიზნად ისახავს “აფხაზეთის დეოკუპაციას, საქართველოს ტერიტორიული მთლიანობის აღდგენას, კრემლის მავნებლური გავლენის შემცირებას”


დროებით ოკუპირებული აფხაზეთის ე.წ.საგარეო საქმეთა მინისტრის, ინალ არძინბას განცხადებით, გაეროს სტრუქტურებთან ერთად, ე.წ. რესპუბლიკაში USAID-ის საქმიანობა მიზნად ისახავს “აფხაზეთის დეოკუპაციას, საქართველოს ტერიტორიული მთლიანობის აღდგენას, კრემლის მავნებლური გავლენის შემცირებას”.
ამის შესახებ მან დე ფაქტო პრეზიდენტთან, ასლან ბჟანიასთან შეხვედრაზე თქვა.
მისი თქმით, ე.წ.საგარეო უწყებამ USAID-ის ვებსაიტი შეისწავლა და აღმოაჩინა “დიდი რაოდენობის საინფორმაციო მასალა, სადაც ღიად წერია, რომ ამ ორგანიზაციის დაფინანსების მთავარი მიზანია მის მიერ აქ, აფხაზეთის რესპუბლიკის ტერიტორიაზე, ჩვენს სახლში განხორციელებული პროექტების მთავარი მიზანი – აფხაზეთის დეოკუპაციაა, საქართველოს ტერიტორიული მთლიანობის აღდგენა, კრემლის მავნებლური გავლენის შემცირება”.
“ანუ, USAID-ის სტრუქტურა გაეროსთან ერთად ღიად, დაუფარავად აღიარებს, რომ მათი საქმიანობის მთავარი მაზანია ჩვენი სახელმწიფოთაშორისი დიალოგის დარღვევა. ამიტომ, ამას განსაკუთრებულ ყურადღებას ვუთმობთ და მზად ვართ, ამის შესახებ ინფორმაცია ჩვენს მოსახლეობას მივაწოდოთ”,- თქვა ინალ არძინბამ.

 უკან დაბრუნება

მსგავსი სიახლეები

Item 1

22 ნოემბერი, 2026

გლოვის დღესთან დაკავშირებით, აფხაზეთის ა.რ მთავრობის შენობაზე, სახელმწიფო დროშა დაეშვა

ვრცლად

Item 1

20 ნოემბერი, 2026

„ღრმა მწუხარებას გამოვთქვამ ქვემო ფონიჭალაში დატრიალებული ტრაგედიის გამო“ - გიორგი ჯინჭარაძე

ვრცლად

Item 1

20 ნოემბერი, 2026

22 ნოემბერი საქართველოში გლოვის დღედ გამოცხადდა

ვრცლად