აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე გერმანიის ფედერაციულ რესპუბლიკაში ვიზიტის ფარგლებში ქართული დიასპორის წარმომადგენლებს შეხვდა. 

 შეხვედრას ესწრებოდნენ ბერლინში მცხოვრები აფხაზეთიდან დევნილი მოქალაქეები.

 მთავრობის თავმჯდომარემ  სამშვიდობო პროცესებში აფხაზეთიდან დევნილი ემიგრანტების როლის გაძლიერების მნიშვნელობაზე ისაუბრა. ასევე, დიასპორის წარმომადგენლებს მიაწოდა ინფორმაცია აფხაზეთის მთავრობის პროგრამებისა და პროექტების შესახებ, რომლებიც ქართულ-აფხაზური კულტურის პოპულარიზაციას ისახავს მიზნად.