ბერლინის "კონცერტჰაუსში" აფხაზეთის სიმღერის სახელმწიფო ანსამბლ „შავნაბადას“ კონცერტი სრული ანშლაგით გაიმართა. ღონისძიებამ მაყურებლის დიდი მოწონება დაიმსახურა.

 ანსამბლი „შავნაბადა“, დავით ცინცაძის ხელმძღვანელობით, გერმანიის ფედერაციულ რესპუბლიკაში მიმდინარე მუსიკალურ ფესტივალში მონაწილეობს. ახალი მუსიკალური პროგრამა საქართველოს სხვადასხვა კუთხის ტრადიციულ ხალხურ მრავალხმიან სიმღერებს აერთიანებს.

 კონცერტს აფხაზეთის ა.რ  მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრი გიორგი ძაძამია, საქართველოს ელჩი გერმანიის ფედერაციულ რესპუბლიკაში ალექსანდრე კარტოზია, ბერლინის ქართული დიასპორის წარმომადგენლები და ადგილობრივები ესწრებოდნენ.

 ანსამბლი „შავნაბადა“ ფესტივალის ფარგლებში კონცერტებს  ბერლინში, ჰამბურგსა და მიუნხენში მართავს.

 ღონისძიება აფხაზეთის ა.რ მთავრობის ორგანიზებით, საქართველოს კულტურის სამინისტროსა და საქართველოს საგარეო საქმეთა სამინისტროს მხარდაჭერით იმართება.